021 872 4651

©2019 by PAARL BOYS' PRIMARY SCHOOL. Proudly created with Wix.com

 

KULTUUR

Junior- en Seniordrama groepe oefen twee keer per week vir een uur onder die leiding van mev. Ezandri Vermoten en mev. Tracy Holm.  Beide drama-groepe kry die geleentheid om voor die skool op te tree.  Hulle neem ook deel aan die plaaslike Eisteddfod en Interskole Kunstefees in die volgende kategorieë:


  • Individuele Voordrag

  • Spreekkoor

  • Tweespraak

  • Dialoë

  • Monoloë

  • Onvoorbereide lees


Ander optredes sluit  die jaarlikse Kultuuraand en Graad R Kersspel in.


Elke derde jaar bied ons skool ‘n groot skoolkonsert aan waaraan al die leerlinge van die skool deelneem.


Seussical Junior ~ The Musical

Seussical Jr. was presented by arrangement with Dalro, who represents the Music Theatre International, New York, and all authorised performance materials were supplied by Dalro.  The school decided to purchase this musical as it is based on the works of Dr. Seuss and old and young alike relate to the characters and stories. The Seussical Jr. musical production team was led by Mrs Tracy Holm, Mrs Sandra le Roux, Ms Mia Kennedy and Ms Martjie Snyman.


Die beplanning van die Seussical Jr. konsert het reeds in 2017 begin. Oudisies vir die hoofkarakters, wat Hoër

Meisieskool Paarl ingesluit het, is gehou.

‘n Rolverdeling van veertig leerders en ‘n koor van ag seuns het in Augustus 2017 met repetisies begin. Die span moes die klasitems inkorporeer wat verseker het dat die hele skool deel van hierdie

weeklange produksie was.


Another element of the Seussical was the Food Court. This initiative replaced the traditional Food Festival and was well-received by all who watched the show. Class representatives and parents assured that their stalls were decorated according to the Dr. Seuss theme.

Live music on the Gala-evening guaranteed that our guests enjoyed a festive atmosphere.

Die sukses van die konsert voorspel groot verwagtinge vir die toekoms. Dit is altyd ‘n groot uitdaging, maar met talentvolle leerders en ‘n goeie span, is daar groot opwinding vir die volgende konsertjaar wat in 2021 sal plaasvind.


Kyknet Uitblinkers

ABS Produksies het ons in 2018 genader om deel te wees van hul Kyknet opnames van die gewilde Uitblinkersreeks. Die produksiespan het ons skool in September besoek en opnames is van verskeie grade, aktiwiteite en kultuuritems gemaak. Dit was ‘n opwindende tyd vir ons manne, aangesien hulle die geleentheid gehad het om op die televisie te verskyn.


Ons het die aand met ‘n uiters geslaagde Kultuurkonsert afgesluit en ons leerders het met hul wonderlike talente die gehoor vermaak. Die opnames wat gedurende die dag en tydens die konsert opgeneem is, het in Februarie 2019 op televisie verskyn. Dit was voorwaar ‘n besonderse ervaring vir ons leerders, opvoeders en ook ons ouers.


Juan Roberts is ook na afloop van die opnames uitgenooi om op te tree as gaskunstenaar by die finale rondte van die Wes-Kaap se top kore kompetisie. Die vertoning het in Desember 2018 plaasgevind . DIt is voorwaar ‘n besonderse prestasie vir hierdie talentvolle, jong leerder.

 
 

All things Music

CHOIR

Choir is a very popular extra-mural activity at the school.  The junior and senior choir have achieved excellent results over the past couple of years, including trophies for the best choir in their category at the Paarl Valley Eisteddfod.


Meer as 120 leerders sing in een van die twee kore.  Ons kore neem jaarliks aan die Paarl Vallei en Stellenbosch Eisteddfods deel en word gereeld genooi om by ander skole se koorfeeste op te tree. 

Ons neem ook reeds vir twee aaneenlopende jare aan die Paarl Amfiteater Koorfees deel. 

Beide kore oefen een uur per week. 

Kleiner groepe word ook weekliks onttrek vir oefening.


DRUMLINE

Die drumline het ‘n integrale deel geword van Klein Boishaai se tradisie.  Tans bestaan die drumline uit vyftien seuns.  Ons het twee reserwes en die seuns roteer, sodat elkeen ‘n geleentheid kry om op te tree.  Ons het in 2019 drie ekstra tromme aangekoop, sodat daar dertien seuns op ‘n slag kan speel.  Oudisies vir die drumline vind vroeg elke jaar plaas en Graad 6- en 7-leerders geniet voorkeur.  Oefening vind een keer per week vir een uur plaas.


Die drumline het in 2018 deelgeneem aan Simphonia, ‘n kompetisie vir skool ensembles.  Daarmee saam het hulle na Mosselbaai getoer.  In 2019 beplan ons ‘n toer deur die Overberg.


Die drumline tree gereeld tydens sport- en kultuurgeleenthede op, sowel as by die Paarl Vallei Eisteddfod waar ons elke jaar uitstekende resultate behaal. 


KLEIN BOISHAAI ORKES

In 2019 is die Klein Boishaai Orkes gestig.  Dit bestaan uit ses leerders wat sing en kitaar, tromme en klawerbord speel.  Ons sien uit na optredes deur die orkes by Interskole en ander geleenthede. 

Die orkes speel ook weekliks in die saal as deel van “Praise and Worship”.


MARIMBA BAND

Please watch this space.  We are currently raising funds to start Klein Boishaai’s first official Marimba band.  If you would like to get involved and help us, please contact Martjie Snyman.


INSTRUMENTONDERRIG

Ons het tans vier voltydse musiekopvoeders, sowel as 162 seuns wat individuele musieklesse by die skool neem.


Ons bied tans die volgende instrumentonderrig aan:

Klavier / Blokfluit / Kitaar / Tromme / Klawerbord / Dwarsfluit / Sang / Ukulele


Leerders het die keuse om individuele- of groeplesse te neem.  Die koste van die lesse is dieselfde, maar leerders wat individuele lesse neem het dertig minute per week les en groepe het een uur per week les.


Die musiekopvoeders werk op ‘n drie-weeklikse rotasie rooster.  Ons poog om ‘n seun nie in die drie-week-siklus meer as een keer tydens dieselfde vak te roep vir ‘n les nie.  Seuns sal ook nooit Wiskunde mis nie.


Leerders wat musieklesse by die skool neem, word aangemoedig om aan eisteddfods en eksterne eksamens deel te neem.  Dit sluit UNISA, Trinity Guildhall en Trinity Rock & Pop in. 

Al ons leerders kry ook die geleentheid om hul talente ten toon te stel by ons jaarlikse musiekaand.